ՀԾ-ԿլիենտԲանկ համակարգը բանկային ծառայությունների սպասարկման համակարգ է: Այն հնարավորություն է ընձեռում ցանկացած պահի՝ 24/7 ռեժիմով, ղեկավարել Ձեր բանկային հաշիվները սեփական աշխատատեղից: Դուք խնայում եք Ձեր ժամանակն ու ծախսերը` բանկ այցելելու և հերթերում սպասելու փոխարեն: Համակարգը նախատեսված է կազմակերպությունների համար և տրամադրում է.

• բանկային ծառայությունների լայն շրջանակ
• բարձր մակարդակի անվտանգություն՝ շնորհիվ ներդրված նորագույն տեխնոլոգիաների
• համակցում ՀԾ հաշվապահական համակարգերի հետ
• ցանցային աշխատանքի հնարավորություն
• ադմինիստրավորման համակարգ

ՀԾ-ԿլիենտԲանկ համակարգի օգնությամբ Դուք կարող եք

• ստանալ տեղեկություններ
  • բանկային հաշիվների ընթացիկ մնացորդներ ու կամայական ժամանակահատվածով քաղվածքներ
  • բանկի կամ ՀՀ ԿԲ կողմից սահմանված արտարժույթի փոխարժեքներ
  • կատարված գործողությունների պատմություն (փաստաթղթի պատմություն)
• կատարել գործարքներ
  • փոխանցումներ ՀՀ տարածքում (նաև խմբային) և ՀՀ տարածքից դուրս
  • արտարժույթի փոխանակումներ
• ուղարկել կանխիկ գումարի ստացման հայտեր
• ստանալ բանկից տեղեկություններ ստացված փոխանցումների մասին
• ուղարկել և ստանալ ազատ ֆորմատի նամակներ` կցված ֆայլերով (MS Word, Excel և այլն)
• արտահանել և ներմուծել տվյալներ .xml ֆորմատով

Ադմինիստրավորման հնարավորությունները

• ստեղծել և ղեկավարել հաճախորդի օգտագործողներ (խմբագրել, հեռացնել, նշանակել հաշվետու ժամանակահատված և այլն)
• օգտագործողներին տրամադրել իրավասություններ
• ստեղծել և ղեկավարել արխիվներ, տվյալների պահոցի պահեստային պատճեններ