2015թ. փետրվարին Հայկական Ծրագրեր և ՄԳԱ Վոթըր ընկերությունների միջև կնքվել է պայմանագիր, որով նախատեսվում է կազմակերպությունում ներդնել ՀԾ-Ձեռնարկություն, ՀԾ-Վաճառքների կառավարում և Հաճախորդների հետ հարաբերությունների կառավարում` CRM համակարգերը:

Երեք համակարգերի համակցված ներդրումը կապահովի կազմակերպության բոլոր կարևոր բիզնես-գործընթացների ամբողջական ավտոմատացում:

ՀԾ-Ձեռնարկություն համակարգի ներդրումը կապահովի ընկերության հաշվապահության և ապրանքանյութական արժեքների հաշվառման լիարժեք ավտոմատացում:

Վաճառքների կառավարում համակարգը հնարավորություն կտա հաշվառել գնորդների պատվերները: Գրանցված պատվերների վերլուծության արդյունքներով հնարավորություն կստեղծվի պլանավորել սեփական արտադրության և ապրանքների մատակարարումների ժամկետները և ծավալները` միաժամանակ ապահովելով իրացման շղթայի անընդհատությունը:

ՄԳԱ Վոթըր ընկերությունում ներդրվելու է CRM համակարգի հետևյալ բիզնես ֆունկցիոնալությունը`

• Զանգային կենտրոնի ավտոմատացում
• Պատվերների ընդունում
• Համակցում ՀԾ-Ձեռնարկություն համակարգի հետ
• Համակցում ՀԾ-Վաճառքների կառավարում համակարգի հետ

CRM համակարգը կապահովի ՄԳԱ Վոթըր ընկերությունում հաճախորդների կենսացիկլի ամբողջական ավտոմատացում` նոր հաճախորդների ներգրավում, վաճառքների կառավարում և հաճախորդների սպասարկման բարելավում:

ՀԾ-Ձեռնարկություն համակարգի հետ համակցումը կապահովի հաշվապահական համակարգում պահվող անհրաժեշտ տվյալների հասանելիություն անմիջապես CRM համակարգում: Այսպիսով` ընկերության աշխատակիցները հաճախորդների հետ աշխատանքի ժամանակ արագ հասանելիություն կունենան հաճախորդներին վերաբերվող ցանկացած տեղեկության:

ՀԾ-Վաճառքների կառավարում համակարգի հետ համակցումը ընկերությանը հնարավորություն կտա ավելի արդյունավետ կազմակերպել պատվերների առաքման գործընթացը:

Երեք համակարգերի համակցված ներդրումը կօգնի էապես բարձրացնել բիզնեսի կառավարելիությունը և հաճախորդների հետ աշխատանքի արդյունավետությունը: Համակարգերի անալիտիկ հնարավորությունները թույլ կտան տիրապետել կազմակերպության իրական վիճակին, ստանալ տարատեսակ վերլուծություններ ու հաշվետվություններ: Համակարգերի ներդրումը թույլ կտա ստեղծել միասնական տվյալների բազա` ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները: