Չափազանց բարդ համակարգի օգտագործումը, փոխանակ լուծելու այն խնդիրները, որոնց համար այն նախատեսված է, կարող է ինքը կազմակերպության համար խնդիր դառնալ: Միջին և փոքր կազմակերպությունները հաճախ ունեն հաշվապահական հաշվառման խնդիրների այնպիսի լայն շրջանակ, ինչպես խոշոր ձեռնարկությունները, սակայն ունեն առավել սահմանափակ ռեսուրսներ:
Միջին և փոքր կազմակերպությունների հաշվապահության ավտոմատացման համար նախատեսված ՀԾ-Հաշվապահ համակարգը մշակելիս հատկապես հաշվի է առնվել դրանց այս առանձնահատկությունը: Մանրակրկիտ ընտրվել է համակարգի ֆունկցիոնալությունը, ընդգրկվել են աշխատանքն առավել հեշտացնող գործիքներ, մանրամասն մշակվել է սպասարկման համակարգը: Արդյունքում ՀԾ-Հաշվապահ-ն ապահովում է հաշվապահության բոլոր բաժինների ավտոմատացում, և միաժամանակ` աշխատուժի, ժամանակի, տեխնիկական և դրամական միջոցների մեծ խնայողություն:

ՀԾ-Հաշվապահ համակարգի հնարավորություններին կարող եք ծանոթանալ ուսումնական հոլովակներում: Դիտել

ՀԾ-Հաշվապահ-ի հիմնական առանձնահատկությունները

Լավագույն գին/որակ հարաբերությունը

ՀԾ-Հաշվապահ-ի գինը շուկայում ամենացածրն է համեմատած համակարգի ֆունկցիոնալության, հաշվետվական հնարավորությունների ու տրամադրվող համակողմանի սպասարկման հետ:

Ժամանակակից, գեղեցիկ, հարմար աշխատանքային միջավայր

• Համակարգի աշխատանքային միջավայրը կառուցված է ծանոթ ու հարմար MS-Office ոճով: Սա թույլ է տալիս օգտագործողներին հեշտությամբ սկսել համակարգով աշխատանքը և խուսափել նոր աշխատանքային միջավայրին սովորելու վրա ծախսվող ժամանակից և անհարմարությունից:
• Մուտքագրման ժամանակ կատարվող բազմաթիվ ստուգումներն ապահովում են տվյալների ամբողջականությունն ու ճշտությունը:

• 

Տեղադրման և օգտագործման պարզություն

Համակարգի տեղադրումն ու դրա հետ հետագա աշխատանքը շատ պարզ են և չեն պահանջում կազմակերպությունում տեխնիկական մասնագետի ներկայություն կամ հաշվապահների խորը վերապատրաստում:


Ամպային տարբերակ

Ամպային տարբերակի դեպքում համակարգի տվյալների պահոցները և պահուստային պատճենները գտնվում են ոչ թե կոնկրետ աշխատանքային համակարգչի վրա, այլ հատուկ սերվերային տարածքում: Ամպային տարբերակը թույլ է տալիս էապես կրճատել համակարգի շահագործման ծախսերը: Կարիք չկա գնել հզոր և թանկարժեք սերվերային համակարգիչ, ինչպես նաև ծախսեր կատարել տեխնիկական սպասարկման վրա: Պահպանելով տվյալները ամպային տարածքում Դուք ստանում եք հասանելիություն տվյալներին 24/7 ռեժիմով: Միացումը տվյալներին կատարվում է անվտանգ և գաղտնագրված կապուղիով, որի շնորհիվ օգտագործողները կարող են ապահով աշխատել աշխարհի ցանկացած կետից` ինտերնետի առկայության դեպքում: Կարելի է չմտածել տվյալների պահպանության մասին, դրանք գտնվում են հուսալի սերվերային տարածքներում (data centre), որտեղ կատարվում է ամենօրյա ավտոպատճենում: Ավելին


Մոբայլ հավելված

Հավելվածը նախատեսված է ամպային տվյալների պահոցներին օնլայն միանալու և տվյալներ դիտելու համար: Շատ հարմար է հատկապես կազմակերպության ղեկավարի և գլխավոր հաշվապահի համար, քանի որ ցանկացած վայրից կարելի է վերահսկել հաշվառումը, վերլուծել և կայացնել որոշումներ:
Հավելվածը հասանելի է և Android և iOS օպերացիոն համակարգերով աշխատող սմարթֆոնների և պլանշետների համար:


Համակարգի համակողմանի սպասարկում

Հաճախորդների հետ երկարատև աշխատանքից կուտակած փորձի արդյունքում մենք մշակել ենք նրանց աջակցման տարբեր եղանակներ` համակարգից օգտվելու առավելագույն հարմարավետություն ապահովելու համար
• դասընթացներ տեխնիկապես հագեցած ՀԾ ուսումնական կենտրոնում
• հեռախոսային սպասարկում ՀԾ փորձառու մասնագետների կողմից
• հեռահար սպասարկում ինտերնետի միջոցով անմիջապես պատվիրատուի համակարգչին միացմամբ
• թեմատիկ սեմինարներ, նոր տարբերակների ներկայացումներ
• համակարգի ներդրման և խորհրդատվական աշխատանքներ ավելի քան 165 գործընկերների կողմից, որոնք լավագույն աուդիտորական և հաշվապահական հաշվառում վարող կազմակերպություններն են

Հզոր ու ճկուն հաշվետվական համակարգ

• Հաշվետվություններում տվյալների ֆիլտրման, խմբավորման, հանրագումարների ավելացման, սյուների ընտրման գործիքները թույլ են տալիս անմիջապես աշխատանքի ընթացքում, առանց որևէ ջանքի համակարգից ստանալ ցանկացած տվյալ, ցանկացած տեսքով:
• 
• Համակցում Excel-ի հետ. շնորհիվ նոր լրամշակման, Excel-ում ավելանում են բանաձևեր, որոնք թույլ են տալիս ՀԾ-Հաշվապահ համակարգից քաղել տվյալներ: Դրանց վրա կիրառելով Excel-ի լայն հաշվարկային ու վերլուծական հնարավորությունները` կարելի է ստանալ պրակտիկորեն կամայական հաշվետվություն:
• 
• Ավելի քանի 60 ներդրված հաշվետվություններ, այդ թվում բոլոր կարևոր ֆինանսական և հարկային հաշվետվությունները:

Մշտապես թարմացվող համակարգ

Պարբերաբար լույս են տեսնում ՀԾ-Հաշվապահ համակարգի նոր տարբերակներ: Նոր տարբերակներում տեղ են գտնում ոչ միայն օրենսդրական փոփոխություններին համապատասխանեցումներ (հաշվետվությունների նոր ձևեր, հարկերի հաշվարկման նոր կարգ և այլն), այլ նաև տարաբնույթ բարելավումներ, ավելանում են նոր հնարավորություններ` հաշվապահի աշխատանքը ավելի արդյունավետ դարձնելու համար:Մեկ կոճակով կատարվում է վերջին տարբերակի ավտոմատ բեռնում և տեղադրում:


Անսահմանափակ քանակությամբ հաշվառումներ վարելու հնարավորություն

ՀԾ-Հաշվապահ համակարգում կարելի է վարել անսահմանափակ քանակությամբ կազմակերպությունների հաշվառում` անկախ նրանից դուք օգտագործում եք համակարգի ցանցային, թե` մեկ աշխատատեղի տարբերակը:
Ամպային տարբերակում հասանելի պահոցների քանակը կարող եք տեսնել գնացուցակում:

Համակցում b2b.armsoft հարթակի հետ

ՀԾ-Հաշվապահ համակարգը համակցված է b2b.armsoft ամպային հարթակի հետ, որը ներառում է մի շարք տեղեկատվական ծառայություններ և թույլ է տալիս փոխանակել էլեկտրոնային
փաստաթղթեր անմիջապես հաշվապահական համակարգից։ Սա բացառում է փաստաթղթերը կազմելիս կամ ներմուծելիս կատարվող սխալները, նվազեցնում է ծախսերը, արագացնում է կարևոր բիզնես գործընթացները։
b2b.armsoft ամպային հարթակի ծառայությունները հասանելի են գործող սպասարկման պայմանագրի շրջանակներում:

Հաշվապահությունն ու բանկային հաշիվների կառավարումը մեկ համակարգից

ՀԾ-Հաշվապահ-ը առաջին համակարգն է, որն իր մեջ ուղղակիորեն ներառում է ինտերնետ բանկինգի համակարգ: Սա թույլ է տալիս կառավարել բանկային հաշիվներն անմիջապես հաշվապահական համակարգից, խուսափել տվյալներն այլ համակարգ արտահանելու կամ ներմուծելու լրացուցիչ քայլից:


Համակցում ՊԵԿ-ի e-Invoicing և հաշվետվությունների էլ. համակարգերի հետ

ՀԾ-Հաշվապահ համակարգից հարկային հաշիվները արտահանվում են էլ. հարկային հաշիվների eInvoicing համակարգ, որտեղից կատարվում է մատակարարներից ստացված հարկային հաշիվների ներմուծում: Համակարգում ստացվում են նաև էլեկտրոնային եղանակով ներկայացվող հարկային հաշվետվությունները:


Համակցում MS Word, MS Excel, Open Office ծրագրերի հետ

Համակարգից տվյալները կարող են արտահանվել MS Word, MS Excel և որոշ սահմանափակումներով Open Office միջավայրեր:


Տվյալների արագ մուտքագրման նոր հնարավորություններ

Համակարգում ավելացված ներմուծման և արտահանման նոր միջոցները թույլ են տալիս էապես տնտեսել տվյալների մուտքագրման վրա ծախսվող ժամանակը.
• MS Excel-ից տեղեկատվական տվյալների և փաստաթղթերի ներմուծում
• Ամբողջ տեղեկության արտահանում և ներմուծում XML ֆայլերի միջոցով:

Գումարի վերադարձման երաշխիք

Եթե ՀԾ-Հաշվապահ համակարգը լիովին չի բավարարում Ձեր պահանջներին ու ակնկալիքներին, կարող եք հետ վերադարձնել ձեռքբերման օրվանից 6 ամսվա ընթացքում և ամբողջությամբ հետ ստանալ դրա համար վճարված գումարը: