2021թ. մարտին Հայկական Ծրագրեր և Ասկե Գրուպ ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի հետևյալ ենթահամակարգերը`

• Հաշվապահություն
• Հիմնական միջոցներ
• Ապրանքանյութական արժեքներ
• Պատվերներ
• Ավտոտնտեսություն
• Աշխատավարձ
• Կադրեր

   Ասկե Գրուպ ընկերությունը զբաղվում է պողպատե ամրանների արտադրությամբ: 2007թ-ին հիմնված Ասկե Գրուպ ընկերությունը սկսեց պողպատե նախաձևերի արտադրություն` ամրանների հետագա արտադրության համար: 2011թ. ընկերությունը պայմանագրեր է կնքել «Siemens VAI» - ի հետ, որը հնարավորություն է տվել արդիականացնել ընկերությունը պողպատե ամրանների արտադրության համար ձուլման և շարժակազմի նոր սարքավորումներով, ինչպես նաև առկա սարքավորումների արդիականացում իրականացնել:

   ՀԾ-Ձեռնարկություն համակարգը Ասկե Գրուպ ընկերությանը թույլ կտա իրականացնել.

• Կազմակերպության անձնակազմի հաշվառում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Աշխատավարձի և հաշվարկվող հարկերի վերաբերյալ ներքին և հարկային հաշվետվությունների ավտոմատ ստացում
• Միջազգային ստանդարտներին համապատասխան ֆինանսական, հարկային հաշվառում վարելու հնարավորություն
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Հաշվետվությունների և տպվող տեսքերի կառուցվածքի փոփոխման հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ