Հայկական Ծրագրեր ընկերությունը շարունակում է Աջակցում Հայաստանի փոքր բիզնեսին ծրագիրը և նվեր է մատուցում բոլոր հաշվապահներին` նրանց անվճար տրամադրելով ՀԾ-Հաշվետար նոր սերնդի հաշվապահական համակարգը:
Մենք հաշվապահի խնդիրները գիտենք ամբողջ խորությամբ և մեր մասնագիտությունը դրանց լավագույն լուծումներ տալն է:
Արդեն 27 տարի մեր համակարգերը զարգանում և հղկվում են: Այսօր դրանք ամենատարածվածն են Հայաստանի խոշոր և միջին հաշվապահական համակարգերի շուկայում: Հայկական Ծրագրեր ընկերության ուշադրության կենտրոնում մշտապես եղել են նաև փոքր կազմակերպությունների հաշվապահական խնդիրները:
ՀԾ-Հաշվետար համակարգը մշակվել է հատուկ փոքր կազմակերպությունների համար և իր մեջ ներառում է այն հիմնական առանձնահատկությունները, որոնք կարևոր են այդ հիմնարկների հաշվապահների համար:

Տեղադրման և օգտագործման պարզություն

Համակարգի տեղադրումն ու դրա հետ հետագա աշխատանքը շատ պարզ են և չեն պահանջում կազմակերպությունում տեխնիկական մասնագետի ներկայություն կամ հաշվապահների խորը վերապատրաստում: Համակարգի տեխնիկական պահանջները բարձր չեն, այսինքն կազմակերպությանը սովորաբար անհրաժեշտ չի լինում համակարգի շահագործման համար ձեռք բերել լրացուցիչ համակարգչային տեխնիկա կամ ծրագրային ապահովում:

Չի պահանջում հատուկ ուսուցում և ծավալուն ներդրման աշխատանքներ

Ծրագրի օգտագործման համար չի պահանջվում հատուկ ուսուցում: Ծրագրի ավելի խորը հնարավորություններին կարելի է ծանոթանալ Էլեկտրոնային ռեսուրսների միջոցով:

ՀԾ-Հաշվետար hամակարգի առավելությունները

Անսահմանափակ քանակությամբ հաշվառումներ վարելու հնարավորություն

ՀԾ-Հաշվետար համակարգում կարելի է վարել անսահմանափակ քանակությամբ կազմակերպությունների հաշվառում:

Հաշվապահությունն ու բանկային հաշիվների կառավարումը մեկ համակարգից

ՀԾ- Հաշվետար-ն իր մեջ ուղղակիորեն ներառում է ինտերնետ բանկինգի համակարգ: Սա թույլ է տալիս կառավարել բանկային հաշիվներն անմիջապես հաշվապահական համակարգից, խուսափել տվյալներն այլ համակարգ արտահանելու կամ ներմուծելու լրացուցիչ քայլից:

Համակցում ՊԵԿ-ի e-Invoicing համակարգի հետ

ՀԾ-Հաշվետար համակարգից հարկային հաշիվները արտահանվում են էլ. հարկային հաշիվների e-Invoicing համակարգ, որտեղից կատարվում է մատակարարներից ստացված հարկային հաշիվների ներմուծում:

Համակցում MS Word, MS Excel, Open Office ծրագրերի հետ

Համակարգից տվյալները կարող են արտահանվել MS Word, MS Excel և Open Office միջավայրեր:

Ժամանակակից, գեղեցիկ, հարմար աշխատանքային միջավայր

• Համակարգի աշխատանքային միջավայրը կառուցված է ծանոթ ու հարմար MS-Office ոճով: Սա թույլ է տալիս օգտագործողներին հեշտությամբ սկսել համակարգով աշխատանքը և խուսափել նոր աշխատանքային միջավայրին սովորելու համար ծախսվող ժամանակից և անհարմարությունից:
• Մուտքագրման ժամանակ կատարվող բազմաթիվ ստուգումներն ապահովում են տվյալների ամբողջականությունն ու ճշտությունը:
• Համակարգն ունի գունային ու տառատեսակների տարբեր թեմաներ: Յուրաքանչյուր օգտագործող կարող է ընտրել համակարգի` իրեն առավելապես հարմար տեսքը:

Հզոր ու ճկուն հաշվետվական համակարգ

Հաշվետվություններում տվյալների ֆիլտրման, խմբավորման, հանրագումարների ավելացման, սյուների ընտրման գործիքները թույլ են տալիս անմիջապես աշխատանքի ընթացքում, առանց որևէ ջանքի համակարգից ստանալ ցանկացած տվյալ, ցանկացած տեսքով:

Արտահանում և ներմուծում

Բոլոր տվյալները արտահանվում և ներմուծվում են XML ֆորմատի ֆայլերի միջոցով:

Սահուն անցում ՀԾ-Հաշվապահ համակարգին

ՀԾ-Հաշվետար-ը թույլ է տալիս ոչ միայն գործնական կիրառել համակարգը, այլև սովորել աշխատանքային միջավայրին և սահուն անցում կատարել ավելի ֆունկցիոնալ ՀԾ-Հաշվապահ համակարգին: Ցանկացած պահի հեշտությամբ հնարավոր է տվյալները տեղափոխել ՀԾ-Հաշվապահ համակարգ և շարունակել աշխատանքը ավելի ֆունցիոնալ տարբերակում:

Համակարգերի համեմատական աղյուսակ

Ֆունկցիոնալության տաբերություններ	ՀԾ-Հաշվետար	ՀԾ-Հաշվապահ
	(անվճար)
Հիմնական ֆունկցիոնալություն
Գլխավոր գիրք	+	+
Բանկ և դրամարկղ	+	+
Դեբիտորների և կրեդիտորների հաշվառում	+	+
Ֆինանսական հաշվետվություններ, ԱԱՀ-ի հաշվարկ, Տեղեկանք հարկային հաշիվների վերաբերյալ	+	+
Բազմարժութային հաշվառում	+	+
Հիմնական միջոցներ	-	+
Պահեստ	-	+
Աշխատավարձ	-	+
Համակցում ՊԵԿ-ի e-Invoicing համակարգին	+	+
Համակցում ՀԾ-ԻնտերնետԲանկ համակարգին	+	+
Տիպային գործողությունների սցենարներ	+	+
Օժանդակ ֆունկցիոնալություն
Մեկից ավելի կազմակերպությունների հաշվառում	+	+
Օգտագործողի իրավասությունների կարգավորում	+	+
Excel-ում հաշվետվություններ գեներացնելու միջոցներ	-	+
Excel-ից տեղեկատվական տվյալների և փաստաթղթերի ներմուծում	-	+
Տվյալների արտահանում և ներմուծում XML ֆորմատի ֆայլերի միջոցով	+	+