2016 թվականի հունիսին Հայկական Ծրագրեր և մի շարք այլ Հայկական ՏՏ ոլորտի ընկերությունների Որակի ապահովման խմբերի աշխատակիցներ հիմնեցին Որակի Ապահովման Մասնագետների Հայկական Միություն ՀԿ-ն:

   Միության հիմնական նպատակներն են.

• Տարածել և ճանաչելի դարձնել Որակի Ապահովում մասնագիտությունը
• Կազմակերպել և իրականացնել մասնագիտական սեմինարներ և հանդիպումներ
• Հաստատել համագործակցություն միջազգային մասնագիտական դասընթացներ և որակավորում տրամադրող  կազմակերպությունների հետ
• Համագործակցել արտասահմանյան որակի ապահովման միությունների հետ

   Միության կարևորագույն նախագծերից եղավ միջազգային ISTQB (www.istqb.org) կազմակերպության հետ համագործակցությունը: ISTQB-ն հանդիսանում է Որակի Ապահովման ոլորտում մասնագետների զարգացման ծրագրի մշակող և բազմամակարդակ որակավորում տրամադրող կազմակերպություն(հիմնադրվել է 2002թ. Բելգիայում, ավելի քան 600.000 քննություն և 440.000+ տրամադրած սերտիֆիկատ):

   21.10.2016–ին Կորեայի մայրաքաղաք Սեուլում տեղի ունեցավ ISTQB հերթական գլխավոր ասամբլեան, որի ժամանակ ներկայացվեց ISTQB Հայկական հարթակի նախագիծը` ArmSTQB–ն, որը քվեարկության արդյունքում հաստատվեց ISTQB ղեկավար մարմնի կողմից:

   ArmSTQB–ն Հայաստանի Հանրապետությունում ISTQB միակ և առաջին պաշտոնական ներկայացուցիչն է:

   ArmSTQB-ն տրամադրում է `

• Զարգացման նախագիծ ՈԱ մասնագետների համար
• Ակրեդիտացված որակավորման քննության նախապատրաստական դասընթացներ
• Այլ երկրների ISTQB հարթակների հետ համագործակցություն և փորձի փոխանակում
• ՀՀ-ում  գործող ՏՏ ընկերություններին ISTQB գործընկեր դառնալու հնարավորություն

www.qa.am

www.armstqb.am

FB: ArmSTQB - Armenian Software Testing Qualifications Board

      Որակի Ապահովման Մասնագետների Հայկական Միություն