2017թ. սեպտեմբերին Հայկական Ծրագրեր և Կոնցեռն-Էներգոմաշ ընկերությունների միջև կնքվել է ՀԾ-Ձեռնարկություն համակարգի ներդրման պայմանագիր: Ներդրվելու են հետևյալ ենթահամակարգերը`

• Հաշվապահություն
• Հիմնական միջոցներ
• Ապրանքանյութական արժեքներ
• Աշխատավարձ
• Կադրեր

   Կոնցեռն-Էներգոմաշ ընկերությունը հիմնադրվել է 1996թ-ին, որպես էլեկտրոշարժիչներ և տրանսֆորմատորներ արտահանող ընկերություն: 2005թ-ից ընկերությունը նաև սկսել է զբաղվել բժշկական սարքավորումների ներկրմամբ:

   Կոնցեռն-Էներգոմաշ ընկերությունը աշխատում է առողջապահական ոլորտի այնպիսի համաշխարհային առաջատարների հետ, ինչպիսիք են՝ Roche Diagnostics-ը, Sysmex-ը, bioMerieux-ը և մի շարք այլ լաբորատոր և բժշկական սարքավորումներ արտադրողներ:

   Համակարգի ներդրումը հնարավորություն կտա ընկերությանը պատրաստել տարբեր վերլուծական հաշվետվություններ: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգը Կոնցեռն-Էներգոմաշ ընկերությանը թույլ կտա իրականացնել.

• Կազմակերպության անձնակազմի հաշվառում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Աշխատավարձի և հաշվարկվող հարկերի վերաբերյալ ներքին և հարկային հաշվետվությունների ավտոմատ ստացում
• Միջազգային ստանդարտներին համապատասխան ֆինանսական, հարկային հաշվառում վարելու հնարավորություն
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Հաշվետվությունների և տպվող տեսքերի կառուցվածքի փոփոխման հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ