2018թ. մարտին Հայկական Ծրագրեր և Հայփոստ ընկերությունների միջև կնքվել է ՀԾ-Ձեռնարկություն համակարգի Ավտոտնտեսություն ենթահամակարգի ներդրման պայմանագիր:

   Հայփոստ ընկերությունը 2005թ-ից հանդիսանում է ՀԾ-Ձեռնարկություն համակարգի օգտագործող: Կազմակերպությունում արդեն ներդրված են Հաշվապահություն, Հիմնական միջոցներ, Ապրանքանյութական արժեքներ, Աշխատավարձ և Կադրեր ենթահամակարգերը:

    Նոր ենթահամակարգի ներդրումը և ինտեգրացիան ընկերությունում արդեն օգտագործվող ենթահամակարգերին հնարավորություն կստեղծի ավտոմատացնել կազմակերպության տրանսպորտային միջոցների հետ կապված ներքին գործընթացները:

    ՀԾ-Ձեռնարկություն համակարգի Ավտոտնտեսություն ենթահամակարգը Հայփոստ ընկերությանը թույլ կտա իրականացնել.

• Կազմակերպությունների ավտոմեքենաների և վարորդների մասին տեղեկությունների գրանցում,
• Վառելիքի քանակային հաշվառմում` ըստ ավտոմեքենաների և վարորդների` ստեղծելով վառելիքի լիցքավորման, ընդունման-հանձնման և ծախսագրման փաստերը
• Ամենօրյա կամ ամփոփ ուղեգրերի հիման վրա նորմայով ծախսվող վառելիքի դուրս գրում, նաև ստանալ վառելիքի գերածախսը կամ խնայումը
• Ավտոմեքենաների պլանավորած նորոգումների հաշվառում` հետևելով նյութածախսերին և կատարված աշխատանքներին
• Ավտոմեքենաների վազքաչափերի և վերջնական ցուցիչների մուտքագրում՝ ըստ ուղեգրերի և նորոգումների
• Նորոգումների վերլուծություն` համեմատելով փաստացի կատարված և նորմաներով պլանավորված նորոգումների պարբերականությունը և վազքաչափերը