2018թ. հուլիսին Հայկական Ծրագրեր և Վելոֆիրմա ընկերությունների միջև կնքվել է պայմանագիր, որով նախատեսվում է ներդնել ՀԾ-Ձեռնարկություն համակարգի Կադրեր ենթահամակարգը:

   Վելոֆիրմա ընկերությունը 2015թ-ից հանդիսանում է ՀԾ-Ձեռնարկություն համակարգի օգտագործող: Կազմակերպությունում արդեն ներդրված են Հաշվապահություն, Հիմնական միջոցներ, Ապրանքանյութական արժեքներ և Աշխատավարձ ենթահամակարգերը:

   Նոր ենթահամակարգի ներդրումը և ինտեգրացիան ընկերությունում արդեն օգտագործվող համակարգին հնարավորություն կստեղծի ավտոմատացնել կազմակերպության կադրերի ներքին գործընթացները:

   ՀԾ-Ձեռնարկություն համակարգի Կադրեր ենթահամակարգը Վելոֆիրմա ընկերությանը թույլ կտա իրականացնել.

• Կազմակերպության անձնակազմի հաշվառում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Կազմակերպության հաստիքացուցակի ձևավորում և վարում
• Աշխատակիցների մասին պատմական տվյալների հաշվառում և պահպանում
• Աշխատակիցների արձակուրդայինների գրաֆիկի ձևավորում
• Կադրային տվյալների գաղտնիության պահպանում
• Կադրային հաշվետվությունների ավտոմատացում