2019թ. սեպտեմբերին Հայկական Ծրագրեր և Սարտեքս ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի հետևյալ ենթահամակարգերը`

• Հաշվապահություն
• Հիմնական միջոցներ
• Ապրանքանյութական արժեքներ
• Աշխատավարձ
• Կադրեր

   Սարտեքս ընկերությունը Հայաստանում հիմնադրվել է 2019թ․ հունիսին։ Երևանում նորաբաց կարի ֆաբրիկան հանդիսանում է իտալական Սարտիս ընկերության գործընկերը Հայաստանում։  Ընկերության հիմնական գործընկերներ և պատվիրատուներն են իտալական հանրաճանաչ MaxMara, Moncler, Peuterey, Dainese բրենդերը։ Ընկերության առաքելությունն է կիրառել ամենաարդիական արտադրական տեխնոլոգիաներն և անվտանգության ապահովման ամենահաջողված պրակտիկ մեթոդները, աշխատել միջազգային չափանիշներով, զգալի ներդրում ունենալ Հայաստանի տնտեսության զարգացման ոլորտում, կատարել արմատական փոփոխություններ Հայաստանի սոցիալ-տնտեսական զարգացման գործում։ Ընկերությունը նպատակ է հետապնդում Հայաստանում զարգացնել տեքստիլ ոլորտը և ստեղծել նոր աշխատատեղեր։

   Ներդրումը հնարավորություն կտա պատրաստել տարբեր վերլուծական հաշվետվություններ: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգը Սարտեքս ընկերությանը թույլ կտա իրականացնել.

• Կազմակերպության անձնակազմի հաշվառում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Աշխատավարձի և հաշվարկվող հարկերի վերաբերյալ ներքին և հարկային հաշվետվությունների ավտոմատ ստացում
• Միջազգային ստանդարտներին համապատասխան ֆինանսական, հարկային հաշվառում վարելու հնարավորություն
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Հաշվետվությունների և տպվող տեսքերի կառուցվածքի փոփոխման հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ