2019թ. հոկտեմբերին Հայկական Ծրագրեր և ԱյԹիԷֆ ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի հետևյալ ենթահամակարգերը`

• Հաշվապահություն
• Հիմնական միջոցներ
• Աշխատավարձ
• Կադրեր

   ԱյԹիԷֆ ընկերությունը դրամական փոխանցումներ իրականացնող վճարահաշվարկային կազմակերպություն է։ Կազմակերպության առաքելությունն է հասարակության բոլոր խավերին համապարփակ, մատչելի, հարմարավետ և ժամանակակից վճարահաշվարկային ծառայություններ մատուցող կազմակերպության վարկանիշ ձեռք բերել, լինել վստահելի գործընկեր և մատուցել համալիր վճարահաշվարկային ծառայություններ հաճախորդներին: Կազմակերպությունը հաճախորդներին վճարահաշվարկային ծառայություններ է մատուցում հավատարիմ մնալով հետևյալ սկզբունքներին` ձևավորել վստահելի մթնոլորտ, առաջարկել կազմակերպության վճարահաշվարկային ծառայություններից օգտվելու թափանցիկ հնարավորություններ, սպասարկման լավագույն պայմաններ ստեղծել կազմակերպությանը դիմող հաճախորդների համար:

   Ներդրումը հնարավորություն կտա պատրաստել տարբեր վերլուծական հաշվետվություններ: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգը ԱյԹիԷֆ ընկերությանը թույլ կտա իրականացնել.

• Կազմակերպության անձնակազմի հաշվառում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Աշխատավարձի և հաշվարկվող հարկերի վերաբերյալ ներքին և հարկային հաշվետվությունների ավտոմատ ստացում
• Միջազգային ստանդարտներին համապատասխան ֆինանսական, հարկային հաշվառում վարելու հնարավորություն
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Հաշվետվությունների և տպվող տեսքերի կառուցվածքի փոփոխման հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ