Հայկական Ծրագրեր և Ինեկոբանկ ընկերությունների միջև կնքվել է պայմանագիր, որով նախատեսվում է ներդնել ՀԾ-Ձեռնարկություն համակարգի Հաշվապահություն ենթահամակարգը:

   Ինեկոբանկը 2016թ-ից հանդիսանում է ՀԾ-Ձեռնարկություն համակարգի օգտագործող: Կազմակերպությունում արդեն ներդրված են Նյութական արժեքներ, Հիմնական միջոցներ, Ավտոտնտեսություն, Աշխատավարձ և Կադրեր ենթահամակարգերը:

   Ենթահամակարգի ներդրումը և ինտեգրացիան ընկերությունում արդեն օգտագործվող ենթահամակարգերին հնարավորություն կստեղծի ավտոմատացնել կազմակերպության ներքին գործընթացները:

   ՀԾ-Ձեռնարկություն համակարգի Հաշվապահություն ենթահամակարգը Ինեկոբանկ ընկերությանը թույլ կտա իրականացնել.

• Դրամական միջոցների հաշվառում
• Բանկային փաստաթղթերի համակցում ՀԾ-ԻնտերնետԲանկ և ՀԾ-ԿլիենտԲանկ համակարգերի հետ
• Գնորդների հաշվառում` ըստ պայմանագրերի, հաշիվ/ապրանքագրերի և վճարման ժամանակացույցի
• Մատակարարների հաշվառում` ըստ պայմանագրերի, հաշիվ/ապրանքագրերի և վճարման ժամանակացույցի
• Այլ դեբիտորների/կրեդիտորների հաշվառում
• Պայմանագրով նախատեսված տարաժամկետ վճարումների և տույժերի հաշվարկ
• Բազմակողմ ֆինանսական վերլուծություն
• Ֆինանսական պլանավորում
• Ֆինանսական և հարկային հաշվետվությունների պատրաստում
• Գործողությունների ամբողջական աուդիտ