Հայկական Ծրագրեր և Ա.Ա.Բ. Պրոեկտ ընկերությունների միջև կնքվել է պայմանագիր, որով նախատեսվում է ներդնել ՀԾ-Ձեռնարկություն համակարգի Արտադրանքի ինքնարժեք ենթահամակարգը:

   Ա.Ա.Բ. Պրոեկտ ընկերությունը 2017թ-ից հանդիսանում է ՀԾ-Ձեռնարկություն համակարգի օգտագործող: Կազմակերպությունում արդեն ներդրված են Հաշվապահություն, Ապրանքանյութական արժեքներ, Ավտոտնտեսություն, Աշխատավարձ և Կադրեր ենթահամակարգերը:

   Ենթահամակարգի ներդրումը և ինտեգրացիան ընկերությունում արդեն օգտագործվող ենթահամակարգերին հնարավորություն կստեղծի ավտոմատացնել կազմակերպության ներքին գործընթացները:

   ՀԾ-Ձեռնարկություն համակարգի Արտադրանքի ինքնարժեք ենթահամակարգը Ա.Ա.Բ. Պրոեկտ ընկերությանը թույլ կտա իրականացնել.

• Նորմատիվային-տեղեկատվական տվյալների մուտքագրում պատրաստի արտադրանքի պլանավորման և արտադրության համար` ներառյալ հումքի և օժանդակ նյութերի նորմատիվների ձևավորումը
• Արտադրական ցիկլի հսկողություն և օպտիմալացում, ընթացիկ գործողություններում արագ փոփոխություններ մտցնելու հնարավորություն
• Պատրաստի արտադրանքի թողարկման պլանավորում և հաշվառում
• Հումքի և նյութերի ծախսերի հաշվառում, արտադրական ռեսուրսների օգտագործման վերահսկողություն
• Անավարտ արտադրության դինամիկ վերահսկողություն
• Սեփական արտադրության կիսապատրաստուքների հաշվառում
• Ինքնարժեքի ճկուն վերահաշվարկի հնարավորություն
• Խոտանի հաշվառում
• Արտադրական ծախսերի հաշվառում և վերլուծություն, պլանային և փաստացի ինքնարժեքի համեմատություն
• Հաշվարկված ինքնարժեքի ամփոփ և մանրամասն վերլուծություն ըստ ինքնարժեքը ձևավորող ծախսային հոդվածների